الـعـدد الرابـــــــــع

آرائنـــــــــا
=====
الماء القليل فى الإناء .. يغلى بسرعة
***************************
قرأت ذات يوم هذه المقولة الرائعة للكاتب الكبير أنيس منصور فى عموده الشهير " مواقف " بجريدة الأهرام .. وقد استوقفتنى كثيرا .. فهى تحمل فى مضمونها أكثر من المعنى المباشر الذى يتبادر إلى ذهنك عندما تقرأها أول مرة ...
فعندما تتعمق فى معناها تجد أنها تحتوى معانى كبيرة وثرية منها سلبية ومنها إيجابية فعلى سبيل المثال لا الحصر :-
المعنى السلبى
إنه عندما يفتقد القلب للمشاعر و الارتواء العاطفى فإن أى مثير خارجى بمقدوره أن يستفزه سريعا ويودى به الى التصرف بتطرف .. فإذا طبقنا هذه المقولة على العلاقة الزوجية نجد ان الزوج الذى لا يشبع زوجته عاطفيا أو الزوجة التى لا تشبع زوجها عاطفيا هم أكثر الازواج شجارا ونزاعا لأن أحدهما او كليهما على أدق تعبير لا يجد لديه ما يغفر للآخر به زلاته وهفواته ونقائصه ..
فإذا ارتوى كل منهما بالمشاعر الدافئة المتبادلة .. امتلأ القلب بالحب والتسامح وهدأت درجة الغليان وساد بينهما التفاهم والود والمحبة ..
المعنى الايجابى
كما أن لهذه المقولة من وجهة نظرى معنى آخر ايجابى ألا وهو فائدة تقسيم العمل .. فالعمل المقسم تقسيما جيدا سواءا كان عمل شخصى أو عمل وظيفى يتم انجازه بسرعة ودقة أكثر من العمل المتراكم المتروك على علاته بلا تنظيم ولا حسن إدارة .. فعلى سبيل المثال :-
عندما ينظم الطالب جدولا للمذاكرة بتحديد عدد ساعات يومية على مدار العام فإن درجة تحصيله للمادة واستيعابه لها ستكون أعلى من طالب لا يقسم وقته ويذاكر ما يشاء وقتما يشاء .. وفى النهاية يجد أنه ركز على مواد معينة وترك الأخرى بدون ان يطالعها .. او أن يترك المنهج كله لنهاية العام ثم يقوم بتحصيله دفعة واحدة .. فهنا نجد ان الخير فى القليل على المدى الطويل وليس فى الكثير على المدى القصير ..
لقد بهرت بهذه الجملة ووجدت فيها كثيرا من مشاهد الحياة .. يمكنك انت أيضا أن تفكر فيها وستجد لديك الكثير من المفاهيم التى تنطبق على واقع الحياة ..
أترككم فى رعاية الله ،،
والله الموفق ،،

بقلم : سالى قاسم
------------------------------------------------------------------------
أنت متديـــن ؟
********
السلام عليكم
أنت متدين؟؟؟؟؟
سؤال بنتسأله كتير
والاجابة غالبا
الحمد لله
بصلى وعارف ربنا
الحمد لله أنا متدين
أو
نفسى اوى فى واحد متدين وعارف ربنا
ايه يعنى متدين
وايه مقياس الدين عندنا
والمتدين ده
بيعمل ايه وعامل ازاى
والحكم عليه ازاى
موضوع غايه فى الاهميه
صح؟؟؟؟؟
اكيد صح
خلينا نقول اولا الحديث المشهور لرسول الله صلى الله عليه وسلم حيث قال :
" اذا جائكم من ترضون دينه وخلقه فزوجوه الا تفعلوا تكن فتنة فى الارض وفساد كبير"
دينه و ايــــــــــــــــــــــــــــــــــــه؟؟؟
وخلقه
دى اول ميزة فى المتدين : الاخلاق
ودى نقطة مهمه جداااااااااااا
ناس كتير بتتغاضى عنها
يعنى مثلا
لما أشوف ولد خارج من المسجد
معنى ده انه متدين
؟؟؟؟؟؟؟؟
معناه انو بيصلى مش انه متدين
لما اشوف واحد ملتحى معناه انه متدين؟؟؟؟؟؟؟
معناه انو ملتحى ومتبع سنه عن الرسول صلى الله عليه وسلم
لكن مش معناه انه متدين
اه ده هيثاب على صلاته فى المسجد
وده هيثاب على انه عامل سنة وهى اللحيه
لكن ده مش معناه انهم متدينين
الدين
مش مظهر بس
ولا عبادات بس
ولا اخلاق بس
ولا نجاح فى الحياة بس
ولا تعاملات بس
يعنى لما واحد بيتعامل كويس جدا مع الناس
ومبيشتمش
ومش عصبى
ومبيغضبش
معناه انه اخلاقه عاليه جدا
لان معاملاته عاليه جداااا
كده يبقى حقق شرط المعامله
لكن محققش شرط الدين
يبقى الجمله دى غلط
الدين= المعاملة
(اعتراض على الدين معامله)
لكن
المعامله جزء من الدين
كده صح
تمام
كلنا بقى مفيش ولا حاجه تغنى عن حاجه
يعنى المتدين باختصار
يعمل العبادات
الفرائض
ثم قدر المستطاع من السنن
وياريت كلها
+
يبقى نضيف وشيك ومش مبهدل
النظافة من الايمان))
كانوا بيعرفوا أن رسول الله صلى الله عليه وسلم جاى من ريحه المسك بتاعته
وشاف الرسول صلى الله عليه وسلم مرة واحد شعره مبهدل فقال له :
((من كان منكم له شعرا فليكرمه
ورأى الرسول مرة واحد له كرش
قال له
ياليت هذا فى غير هذا))
+
يبقى ناجح جدا فى حياته
ومميز لانه كدا هيبقى مسلم قدوة
ولان الرسول صلى الله عليه وسلم قال
(اذا عمل احدكم عملا فليتقنه)
وقال أيضا
( ان الله يحب معالى الامور)
+
ويبقى اخلاقه عاليه جدا
ازاى
اقلكوا ازاى
لا يكذب
لا يتجمل
وكمااااااااااااااان
بيبتسم
مش مادد بوزه شبرين
كان رسول الله بساما))
ولازم كمان يكون الشاب
كاتم للغضب
بيعامل الناس كلها كويس
مش بيزعق فى بيتهم وصوته قد كده
واول مينزل ويلاقى بنت امورة كده واقفه وشايله شنطة تقيله
هيعمل نفسه هيرو
وجنتل مان
ويشيلها الشنطة
لااااااااااااااااا
كان اولى ميزعقش لمامته قبل ما ينزل
حتى لو اهله مش عاجبينه
وظالمينه
لانه مسلم
هيبرهم
عشان عارف ان رضاهم عليه
جزء من رضا ربنا
ولانه مش هيبقاله خير فى حد
لو مبقالوش خير فى اهله
ولان المسلم
عامل زى النجمه اللى ماشيه على الارض
واهم حاجه
لا يغضب
طبعا مش عمال على بطال
ده ميغضبش وقت الغضب
وقت لما حد يشتمه
وقت لما يتظلم
ده المسلم القوى بقى
اه
الكلام كبير اوى
ومحدش بيعمل كل الحاجات دى بس
بنحااااااااااااااول
+
يعمل حاجه لدينه
او للمسلمين
يروح ملجأ
يكفل يتيم
يزور المستشفيات
يعمل عمل خيرى
خير الناس انفعهم للناس))
سواء لوحده او فى جروب
ويفضل فى جروب
اتعلمنا من حياة الرسول صلى الله عليه وسلم انه كان دايما فى جماعه
ووصانا ع الصحبة الصالحه
قال تعالى
وَاصْبِرْ نَفْسَكَ مَعَ الَّذِينَ يَدْعُونَ رَبَّهُمْ بِالْغَدَاةِ وَالْعَشِيِّ يُرِيدُونَ وَجْهَهُ )
الكهف -28
+
وكمان المسلم لازم يكون
بيعرف
( يكلم كل قوم بلغتهم)
يعنى مينفعش اجيب واحد شاب
ملوش فى اى حاجه خالص
ولا دنيا ولا دين
ولا اى حاجه
واجى اقوله انت ولا حاجه
او اكلمه بالفصحى
الدليل بتاعى
لما الرسول جه يعرض الاسلام على الملوك
بعت الرسائل بتاعته
كل ملك بلهجته
وعشان كده لو اطلعنا على الكتب دى
هنلاقى فيها كلام احنا مش عارفينه او كلام مش عربى
قال تعالى :
فَبِمَا رَحْمَةٍ مِنَ اللَّهِ لِنْتَ لَهُمْ وَلَوْ كُنْتَ فَظًّا غَلِيظَ الْقَلْبِ لَانْفَضُّوا مِنْ حَوْلك – آل عمران159
المسلم مش متعصب
لاى ملة
ولا اى حزب
ولا اى فريق كورة
الرسول كان لا يغضب الا لدين الله
وكما كان بيتعامل مع اليهود والنصارى
بتهيألى كلنا عارفين حكاية جاره اليهودى
والدرع اللى كان راهنها عند يهودى
يبقى المسلم ايه
مش متعصب
+
لو قعدنا نتكلم عن صفات المسلم للصبح
مش هنخلص
بس هختم بحاجه صغيرة
ان الدين مجاش عشان يخنقنا
بس احنا اللى خنقنا نفسنا بنفسنا
ده انت لما تتفكر ساعه كأنك اقمت الليل
يعنى ربنا قالنا نتفسح ونروح ونيجى
منعنا بس من الحاجه اللى هتضرنا
وعملنا من كل حاجه حرام الحاجه الحلال بتاعتها
عايزين نبقى
مسلمين
متميزين
قدوة
لا نخشى الا الله
سوبر ستار
مش مانعين نفسنا من نعم الدنيا

قال تعالى :
وَأَمَّا بِنِعْمَةِ رَبِّكَ فَحَدِّث ..سورة الضحى الآيه 11ْ
بس بنمنع نفسنا من الحرام بس
عايزين
يبقى شعارنا
عشانك يارب
يارب اكون افدتكم
ويارب تفيدونى
شكرا لمروركم الكريم هنا

بقلم : نهى الوكيل
------------------------------------------------------------------------
نــــــــار الأسعـــار
************
نار .. نار
إيه اللى بيحصل فى الأسعار
عمالة تطلع ما بتنزلش
واحنا اللى هيجيلنا انهيار

اللحمة أول حاجة نقولها
اتعززت أوى بثمنها
غالية علينا وغلاوتها
قست علينا الجزار

والفرخة برضه مننسهاش
كنا بنعشق طلتها
تعبت يا عينى ومنعوها
جالها زكام خلاها تنهار

أما الخضار ده حكاية تانية
كنا بناكله قورديحى
دلوقتى بنشم البامية
وبنوفر تمن الخيار

حتى الدقيق غلوه علينا
والرغيف بقى أد الكف
واللبن زودوا تمنه
ازاى نكبر الاطفال ؟؟

يا مصر بالراحة علينا
متشمتيش فينا أعادينا
لما يلاقونا من حضنك
نهرب ونجرى بالمشوار

بقلم : سالى قاسم
------------------------------------------------------------------------
تساؤلات تدور بخلدنا ..هل من مجيب ؟
*************************
لماذا لجأنا للعدو الصهيونى ؟
ما الذى أدى بالمواطن المصرى إلى اللجوء سياسيا إلى إسرائيل ؟
هل حقا يمكن الغاء الدعم و صرف الدعم النقدى ؟
كم شاب مصرى يفكر فى السفر للخارج ؟
كم شاب مصرى يفضل البقاء فى مصر ؟
متى تحل مشكلة البطالة ؟
متى تحل مشكلة العنوسة وتأخر الزواج ؟
متى نفخر بمصريتنا ؟
متى نعود إلى الله ؟
متى نبتغى وجه الله فى أقوالنا وأعمالنا ؟

بقلم : فريق العمل
-------------------------------------------------------------------------
سيــاسـة فراعنـة
=======
تاريخ الفراعنة
======
كليوباترا 4
الحلقة الأخيرة
*********
حدث خلاف بين أوكتافيوس وأنطونيوس بسبب ما أعطاه لأبنائى من أراضى
مما أدى لقيام الحرب والتى إنتهت بهزيمة أنطونيوس فى معركة لاكتيوم البحرية وانتحر بعدها فى أول أغسطس 30 ق. م , ( لقد كان إنتحار أنطونيوس بسبب فشله فى مواجهة أوكتافيوس وهزيمته أمامه فى المعركة وليس بسبب حبه لي)
وبعدها قبل أوكتافيوس أن ينقل الحكم إلى أبنائى , وهنا قررت الإنتحار حتى لا أصبح مذلولة أمامه وذلك لأنه أراد إذلالى ولقد إخترت الطريقة المقدسة حيث حية الكوبرا وكان ذلك فى أغسطس 30 ق. م
وسأحكى لكم قصة إنتحارى
فى فجر أحد أيام منتصف أغسطس 30 ق. م دخل على أحد الخدم حاملا ثعبان الكوبرا كما طلبت منه وكان ذلك بعد أن علمت بهزيمة حبيبى و زوجى ولقد كان هذا الثعبان هو شعار الملكية طوال هذا العصر البطلمى ولقد وضع على روؤس الملوك أمثالى فى هذا العصر ولقد إنتحرت بوضع حية الكوبرا على صدرى وقتها كان الغازى أوكتافيوس يأمل أن تسير الملكة العظيمة كليوبترا فى موكب إحتفال بإنتصاره وقد علاها الذل
ولكنه سرعان ما وارى جثمانى فى التراب وإتجه إلى تنظيم الحكومة
حيث أعلن ضمه مصر لسلطان العشب الرومانى ولقد جاء هذا الإعلان فى جملة قصيرة للغاية أقر فيها هذا الإعلان
وهكذا إنتهت قصة حياتى
وأراكم فى أقرب وقت بشخصية جديدة وملكة أخرى

مع تحياتى
بقلم / هدير عليوة
------------------------------------------------------------------------
سياسـة بـلدنـا
======
كارثـة وطنيــة
*********
بسم الله الرحمن الرحيم
أـ مشكلة اليوم هى مشكلة شعب وجيل تتحول إلى كارثة قومية وطنية !
ب ـ مشكلة شعب تتحول إلى اللجوء السياسى للعدو !
ج ـلماذا لجأنا للعدو الصهيونى ؟
د ـ ما الذى أدى بالمواطن المصرى إلى اللجوء سياسيا إلى إسرائيل ؟
دعونا نناقش نقطة نقطة من هذا الكلام
أ ـ أولا مشكلة شعب وجيل كما ذكرت من قبل وكما تعلمون المشكلة هى :
1ـ عدم وجود فرص عمل حقيقية
2ـ عدم وجود عدالة إجتماعية
3ـ الغلاء فى المعيشة
4ـ عدم الإهتمام بقدرات الشباب وتنمية مواهبهم وإفراغ الطاقة التى بداخلهم
5ـ الفساد الذى ساد فى المجتمع
وغير هذه الأسباب كثير
ب ـأما الكارثة فهى طلب العون من العدو الصهيونى
تحولت المشكلة إلى طلب اللجوء السياسى من العدو
د ـ أما سبب الرئيسى للجوء من وجهة نظرى هو:
عدم الإهتمام بالشعب المصرى
الحال مش بيتصلح بل بالعكس بيسوء
الغلاء فى الأسعار أصبح بشع جدا ده وصل الغلاء لرغيف العيش
مرتبات الموظفين قليلة جدا جدا لا تكفى لإحتياجتهم الشخصية
الشباب مش لاقى فرصة عمل ومش عارف يتجوز
وده طبعا علشان مفيش فلوس
إخواتى وإخوانى المصريين
أتفق معكم على أن المعيشة أصبحت صعبة جدا جدا
وأن الفساد ساد فى المجتمع المصرى
ولكنى أرفض بل وأعترض بشدة على لجوء أى مصرى إلى إسرائيل أو السفر للعمل بيها
لقد مات أبائونا وأجدادنا لكى يحرروا سيناء واليوم نذهب لاجئين إليهم طالبين العون
فكروا جيدا قبل أن تأخذوا مثل هذه القرارات
فالذى تفعلوه هو ضياع لكرامة مصر
أنا معكم أن كرامتنا ضايعة داخل بلدنا بس لازم نستحمل علشان دى مصر أم الدنيا
وأكيد سيأتى اليوم الذى نسترد فيه كرامتنا
وسيأتى اليوم الذى نكون فيه أفضل شعوب فى العالم

بقلم / حاتم خميس
------------------------------------------------------------------------
رومــانسيـــــات
=======
شمــوع الحـــب
**********
شموع حبى الكبير التى أهديتها إليك ..
ماذا فعلت بها ؟
هل احتفظت بها ؟
أم أطفأتها بجفائك ..؟
كم تمنيت أن تضيئ بها قلبى
وحياتى
بالحب والوفاء
وجدتك تحرقنى بها
وتبعثر رمادى فى كافة الانحاء
فهل استمر فى حبك ؟
ام أفارقك بدون دماء !
فيا من علمتنى الحب
يا من ملك مفتاح القلب
أعطنى قلبى
ومفتاحى
وارحل إلى حيث تشاء
فقلبى الذى أدميته
لم يبق منه ما تبغيه
حتى الأشلاء

باحساس : سالى قاسم
------------------------------------------------------------------------
نسيت اللى كان
*********
نسيت اللي كان
نسيت مسكت أيديك ليا
نسيت معاها الحنية
والذكريات تموت
ميبقاش ليها وجود
والدمع ينزل على الخدود
وافرحي يا دمعت عنيا
ده حبيبك كان بيلعب بيا
وخد دوره في المسرحية
اللي مثلها عليا
أل إيه كان بيحبنى
وكمان مفتون بيا
نسى ايامى
ونسى كمان لياليا
مدمعيش يا عنيا
ده خلاص حبه يحرم عليا
أنا هقتل هواه باديا

باحساس : مها صلاح الدين
------------------------------------------------------------------------
هى كـل النســاء
**********
أتعلم
لن تحصل على كل نساء العالم
لذلك كن قانعا بواحدة فقط
هى اميرتك .. ملكتك .. مخيلتك
هي كل نساء العالم
الأجمل و الأغنى على الاطلاق
في رأيك .. فى عينك
لا في عيون أناس لا يعرفون من هى
وكيف نظرت إليك أول مره
عندما كنتم تداعبون النسيم في الطرقات لا يراكم أحد
إلا الملائكة الطيبة التى تجسدت على شكل فراشات منيرة
وحمام قد أستيقظ عندما سمع الضحكات
عندما قلتم كلمات وأنتم ترقصون معا

حتى لا تأخدك الأمانى بأعمال فاشلة حقيرة أو شنيعة ساقطة
مهما كانت.. مهما فعلت ..كن قانعا بها
كن سعيدا أنك معها
لأن النساء الجميلات كثيرات
ولتعلم جيدا أنك لن تحصل على كل نساء العالم
ولكى لا تندم على شئ لن تستطيع اصلاحه
لأن الخطأ مع النساء يستحيل إصلاحه

خواطر باحساس :شوقى
------------------------------------------------------------------------
فانتـــازيـــا
=====
مـدينتى الفاضــلة
***********
لا أملك مدينه .. ولن أرهق
على باباها واقف
قل لمن يريد ان يسمعني قل لمن يريد ان يفهمنى
ماسكا بمعلقه
لا تدخل مدينتي الفاضله
ليست المشكله في المدينه إنما المشكله في من داخل المدينه
ومن سوف يبني المدينه
إنها سهله جدا
طوب .. حجاره و أسياخ الحديد
الماديات ليست أصعب من شرب الماء
أحاسيسك الصادقه هي قطرة الماء في الصحراء القاحله
تتمنى بصدق أن يكون لك مدينه رائعة
إصنع بقلبك مدينه صغيره تضم فيها روائع الأخلاق والأعمال ا
يكفيك فقط ان تفكر وتعمل
و يكفي الرب أن يحقق لك دعواتك المؤمنة
حبيبى ..ليس عندي مدينه .. ولن اتعب في تحقيقها يوما ما

بقلم : شوقى
------------------------------------------------------------------------
افتح قلبك وقووووووووول
============
مشكـلة شعـــب
*********
هذه المشكلة التى سأعرضعها عليكم اليوم هى مشكلة شعب بأكمله
مشكلة أجيال قادمة نتمنى أن نجد لها الأمان فى الحياة
فأثناء جلوسى على أحد المقاهى وجدت مجموعة من الرجال جالسين بقربى منزعجين
وبيقولو مش عارفين هنعمل إيه
فأنضممت للحديث معهم وسألتهم هو فى مشكلة
فأجابوا جميعا بصوت واحد مفيش مشاكل خالص
وقال أحدهم مفيش مشكلة مالأسعار حلوة وبترخص
وأخر قال ومفيش طوابير على رغيف العيش
وأخر قال المرتبات كبيرة أوى مش عارفين نصرفها فين
وقالو جميعا إنت مش من البلد ده ولا إيه
ثم قالوا إنت عايز منات إيه
فقلت لهم إيه المشكلة ياجماعة فقال أحدهم
الغلاء فى المعيشة فقالو جميعا عرفت المشكلة إيه
قال أحدهم وإسمه عادل إسماعيل الحكومة عايزه الشعب ينتحر
وقال أخر وإسمه هشام محمد المرتبات تزيد خطوة خطوة أما الأسعار فتزيد بسرعة الصاروخ
وقال أخر وإسمه خالد إزاى هعيش أنا وعيالى بمرتب 400 جنيه
إزاى هدخلهم المدارس والجامعات
إزاى هلبسهم
إزاى هأكلهم
إزاى إزاى حاجات كتير أوى
وقال أخر وإسمه عصام وكمان هيشيلو الدعم هى ناقصة خراب
ها ياجماعة عرفتوا إيه المشكلة
هل سنجد حل لهذه المشكلة التى تخص شعب بأكمله ؟
أم سننتحر على يد الحكومة كما قال عادل إسماعيل؟
أسئلة تطرح نفسها أمامكم نتمنى أن نجد لها إيجابات

بقلم : حاتم خميس
------------------------------------------------------------------------
مســابقة الــعــدد:
========

المطلوب ::
ايجاد أطرف تعليق على الصورة وارسالها الى البريد الالكترونى التالى :
w.when@yahoo.com
الجائزة ::
يكتب التعليق الفائز واسم صاحبه على الصورة وتوضع فى يمين المجلة

مع تمنياتى بالتوفيق
سالى قاسم
------------------------------------------------------------------------

تمـــــــــت بحمد الله